تاريخ الاضافةتاريخ التعديل
الإثنين، 9 أبريل 2007 06:55:48 م بواسطة لبنىالأحد، 10 يوليه 2016 10:31:34 م بواسطة حمد الحجري
0 1757
مهوب إنت المريض .. إنت الشفا
هلا بك .. هي هلا اللي قالها الصايم ليوم العيد
هلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيد
ليوسف يوم عاد..و عاد شوفه.. و أنكف الغادي
هلا بك .. كثر ما أمّنت خايف .. أو رعبت مكيد
هلا بك يا عـدو همومنا .. وهـلال الأعيادي
تصاغرت الهلا .. من كبر قدرك .. و اعذر الترديد
لأنك شامخ مثل الجبل .. له بالصـدى حادي
حسدت الشعر .. يوم إنه طليق لك .. و أنا في قيد
وجبته يوم جاك .. و شفت فيه مـراة حسـادي
مهوب إنت المريض .. إنت الشفا .. يا قريّبٍ و بعيد
وانا أقول المريض اللي .. فقد طلّتك فبلادي
سلمت إنت .. و سلمنا من سلاماتك عـن التنكيد
أهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسـر ومريد
غديت الشمس وقلوب الخلايـق زهـر عبّـادي
عليك نخاف منك .. إلى رقدنا و إنت في تسهيد
تقل من كثر حب الخير .. صرت لنفسـك معادي
تطلّبك المرض نفسك .. و قلت أبشـر بلا تحديد
فلا والله أرد اللي طلبني .. لو يبي زادي
هذاك إنت الضليل الضافـي الوافي منـاة الغيد
هـذاك إنت الكبير المنور المنثور بالكادي
هذاك إنت الأصيل الماجد الناجد سليـل الصيـد
هذاك إنت الرفيع المشـرق البراق والهادي
هذاك إنت الوفي العارف الوارف ربيع البيد
هذاك إنت العظيم الشامخ اللّي فـوق الأشهـادي
هلا بك .. و القدر بالصدر .. لا عجز القصيد يصيد
قصيدٍ لا درى إنّه فيك .. سمـى شـارده عادي
إسم الشاعرالبلدإسم القسمالمشاهدات
طلال الرشيدالسعودية☆ شعراء العامية في العصر الحديث1757