تاريخ الاضافة
الثلاثاء، 10 أبريل 2007 07:25:30 ص بواسطة د. جمال مرسي
0 1135
قولي يا بنتي و علّي الصوت
قولي يا بنتي و على الصوت
جرحك جرحي و همك همي
بوحي تلاقي قلوب مفتوحـه
و برغم انك مش بنت أمـي
لكن أخت بـروح بحبوحـه
عـارف إنـك مـا بتهتمـي
إلا بهـمّ بـلاد مجـروحـه
و عشان هيكا يا بنـت العـمِّ
نبرة صوتـك دوم مبحوحـه
***
قولي يا بنتي و علّي الصوت
أصل ودانّا بقـت مسـدوده
لسه بخير و ما فاتش الفوت
أُمة على التصميـم مولـوده
أمـة بتنهـض مـا بتمـوت
طول ما البطش اديه ممدوده
مصري عراقي و حضرموت
و فلسطين و الشام موجـوده
***
راح يطلع ( مهدي) و صلاح
و هترجع من تاني حقوقنـا
و لا هيموت جوانـا كفـاح
و لا نقبل أعداءنـا تسوقنـا
و انت يا بوش ما كفايه نباح
إرهابكم عمـره مـا يمنعنـا
إرهابـكـم قـتـل الأرواح
و احنا عشان جنـة تجمعنـا
شعر العامية
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1135
لاتوجد تعليقات