تاريخ الاضافة
السبت، 14 أبريل 2007 03:48:10 ص بواسطة محمد أسامة
0 587
عباس م الفقرا العنديين
عباس
*****
عبـاس راجـل كنـاس
كـان ذى بقيـت النـاس
الفـقـرا … العنديـيـن
عايـز يعمـل قرشـيـن
ويعيـش عيشـة أسيـاد
خد بعضـه وراح بغـداد
بغـداد أحضـان عربيـه
فى ساعـات الاستنجـاد
أنا ممكن أفـارق مصـر
لو ضاقـت بـى الدنيـا
والسورى يفارق سوريـا
ساعة مصر ما تهملنـى
أو سوريـا بتنسـى ولاد
وولاد عبـاس اتمـنـوا
بتـراب الخيـر يتحنـوا
لكـن عبـاس تـربـاس
حالف ما يسيـب بغـداد
اللا مـا يرجـع بالـزاد
اللـى يكفيـه ويفـيـض
الفرخـه هنـاك بتبيـض
للمايـل علـى دراعينـه
والحال والبـال سايعينـه
وف عينه شويـة نبـض
عباس كان يوم القبـض
مستقتل علـى الديناريـن
اللـى بدمـه موفـرهـم
عايـز يجـري يسفرهـم
العيشه ف بيتهـم ضنـك
ويادوب خـارج م البنـك
الطـيـران الأمريـكـى
والطيـران البريطـانـى
علمـوا سكـان بـغـداد
ْان المستقـبـل فـانـى
والوطن العربى ف غمضه
تمحيه أمريكـا بْامضـه
عباس كان جايب لمضـه
علشان الحوش كان مطفى
بقى كـل العالـم مطفـى
والحلم اتلـم ف ومضـه
وصبـح عبـاس اشـلاء
وسـط بقيـت الشهـداء
ومافيش من حلمه بقيـه
والحلـم العربـى مـذاع
فى القنـوات الفضائيـه
الحلـم بقالـو أغنـيـه
والحلـم العربـى أتبـاع
من قبل " احمد عدويـه "
( والسـح الـدح امبـو)
عبـاس النـاس لـمـوه
حبـة عظـم ودراعيـن
كان ماسك ع الديناريـن
آخر دينـارات يكسبهـم
لكن ما حسبش حسابهـم
ماعرفـش إن الأوطـان
لـمـا تـنـخ بتتـهـان
والكـنـاس الغـلـبـان
اللـى مايعـرف سياسـه
هو اللى هايبقـى كناسـه
والساسـه بتـوع النفـط
وبتـوع أجهـزة الشفـط
أمريكا بقـت عروبتهـم
وإن خربت بيتنا وبيتهـم
بنطاطى عشـان ترحمنـا
أصل إحنا اللى أتوحمنـا
وجرينا علشـان تحمينـا
من بلاوينـا ف بعضينـا
وولاد عبـاس قاعـديـن
فى استنظـار الديناريـن
الأب رجـع فـى النعـش
والفقـرى مايتـودعـش
مكتـوب وبلغـة الضـاد
الميـت فــات بـغـداد
أول أيــام رمـضــان
ومافيـش للجثـه مكـان
ومافيش ولا أى سفـاره
عرفت لملامحـه أمـاره
وصبح عبـاس أمانـات
فى ترانزيـت المطـارات
مـن تـلاجـه لتـلاجـه
مع أنه ما كنش خواجـه
جثـة عبـاس عربـيـة
دولـة عبـاس عربـيـة
لهجـة عبـاس عربيـة
لكـن تصريـح الـدفـن
مش لاقى أيديـن عربيـه
تفتـح أبـواب التـربـه
عباس كان عايش غربـه
بقى ميت ستيـن غربـه
مش لاقـى لموتـه بـلاد
ولا راضيه عليـه بغـداد
والموت العربـى وديعـه
فـى بنـوك الاستبـعـاد
إسم الشاعرالبلدإسم القسمالمشاهدات
محمد عبد القادرمصر☆ شعراء العامية في العصر الحديث587