تاريخ الاضافة
السبت، 14 أبريل 2007 08:17:02 م بواسطة محمد أسامة
0 556
الميلاد
أول كلامي
صياد ورامي
ف حبال غرامي
أول حبالي كان حبل غالي
أيام ماسيبس جرجر أهالي
تاكل في صبر من غير تحالي
كان يومها جدي طارح شبابو
بعت الخديوي للعمده جابو
من قلب داره تم إختياره
من غير مناقشه
ولا أي دوشه
كل الشباب دا لملم ياعمده
بالجلابيه والفاس بتاعه
وان قال يارب نقطم دراعه
مظلوم فنيتو
غلبان فنيتو
قلنا لكو جيتوا معانا جيتوا
البت تبكي والأم تلطم
لمين هانشكي من بعد منكم
هاتوا السواري
عبوا اللا واري
جدي البدائي عايز يعافر
عامل فدائي والظلم كافر
كرباج صوحابنا مزع هدومه
لجم لسانه كوم همومه
قطر الصعايده والدلتا لمـوا
من غير ماتحصو بالأسم تموا
أبو دم حامي غرقان في دمه
والغربة قاسيه لمفارق أمه
العمده باشا والباشا قاضي
والسلطة حاكمه كل القواضي
السلطة جامدة وإمسك ياعمده
هانشيل دا من دا يرتاح دا عن دا
وبقيت ياجدي حمل التحدي
وإيام تعدي وسنين تودي
ممنوع تصلي أفتح وعللي
عايز تغني خد إذن مني
ماتناقش إللا ماتكون بعلة
آخر المتمة
بعد المرَمة
خِلصت كنالي وبسعر عالي
عاشوا اللي عاشوا
وماتوا اللي ماتوا
قالوا الفنارة هي الأمارة
عاليت ياجدي أول إشارة
قالوا التجارة هي الحضارة
هاللو الشراقوه
جونا المنازلة
صارت موده
والدنيا عُزله
جات كوبانيه
أفحر ياجدي
يامدرا هاتي
ياقِدرة ودي
حووش ياسيدي
ماتقولشي صولدي
وابني لنا دوره
وبكره تكبر وتبقي حارة
قصوا المدينة
ُنص لجدودي
وُنص تاني خارج حدودي
فيه اليهودي
ويا الأيطالي
جنب الجريجي
والرأسمالي
وفرنجوهم وعربونا
غير اللي كانوا
بيعذبونا
يحتلوا فينا ويأدبونا
وفوق دا هِلوو
ياأهل مالطة
ياجدي ناسب من الدمايطة
عشان تلاقي ولد يعينك
وتبقي عايش بنص دينك
ويطلع أبنك البورسعيدي
1975
إسم الشاعرالبلدإسم القسمالمشاهدات
محمد عبد القادرمصر☆ شعراء العامية في العصر الحديث556