تاريخ الاضافة
الأحد، 15 أبريل 2007 09:04:41 ص بواسطة محمد أسامة
0 4499
بتغنى ليه عن يوسف
مهداة إلى الفنان مرسيل خليفه
دلدل حبلك
وارفع يوسف يا سيّار
رزقك درهم معكوك دم
نايم ف جيوب التجار
أوعى تبص ف عين الحلم
لو ما نتاش قد الأسرار
يوسف مش غنيوه وفيلم
يوسف مش فرق الأسعار
يوسف جهل ويوسف علم
ورد الجنه وشوك النار
*****
بتغنى ليه عن يوسف وتجنن اخواته؟
هوه انت ارحم عليه م اللى ابتلاه بالسر؟
عايز تعد الكواكب.. عِد فى الأحلام
عايز تغنى.. غنى عن وسط سايب
بين القاهرة والشام وعن حُكام
وتجار عفن ورقاصين خُدام مقام الجهل
يوسف مالوهش مقام حجر وقزاز
ولا مقام مزيكا.
*****
وانا اللى ابتليت بحلم يوسف
وسوست نفسى لما افتكرتك
حنيت لصوتك عذرتك
ودورت الشريط القديم.
*****
كانت قضيه من قضايا العصر
صبحت عجينة الفن ريحه فى الصور.. براويز
تحرق أبو الإعجاز بجاز
تحرق أبونا ف مصر وبلاد الحجاز
إحنا أمم مهزومه
ممنوع عليها قراية النص
غير فى الصلاة والإذاعة!.
.
إسم الشاعرإسم الكاتبالبلدإسم القسمالمشاهدات
سمير الأميرسمير الأميرمصر☆ دواوين الأعضاء .. عامِّي4499
لاتوجد تعليقات