تاريخ الاضافة
الأحد، 15 أبريل 2007 10:05:42 ص بواسطة محمد أسامة
0 1019
لما يموت الصوت جواك
لما يموت الصوت جواك
تخرس كل حواسك ،تفقد ذاتك
تبحث عن أنفاسك التايهة ف طرقات الصمت
وأحزان الماضى اللى بتلعن كل خطاك
اللى بتموت نبت المستقبل وتقفل كل الأبواب قدامك
لما يموت الصوت جواك
كيف تنده ياصديق أصحابك؟
كيف تحيىّ البسمة المشنوقه بحبال الخوف؟
لما يموت الصوت جواك حتخاف من ضللك
وأكيد حتقدم لحمك قربان لعدوك
ولذلك حين تحزن فجر أنهار الحزن
حين تضحك خللى الضحكه تهز العالم وتهزك
وتهز حيطان الصمت المتسلحه ف كيعانك
لو تغلى أوعى تبرد غليانك
لو فاضت أنهارك علىّ فيضانك
إحسم كل امورك أول باول
واتذكر إن الحرب الدايرة ف راسك
فيها خلاصك.
إسم الشاعرإسم الكاتبالبلدإسم القسمالمشاهدات
سمير الأميرسمير الأميرمصر☆ دواوين الأعضاء .. عامِّي1019
لاتوجد تعليقات