تاريخ الاضافة
الأحد، 15 أبريل 2007 11:09:03 ص بواسطة محمد أسامة
0 875
ذكور النحل
باحبــك
وبيني وبينك فواصل
دروبك بعيدة
لكني ها واصل
ها فتش عليكي ولو في الخنادق
وماأسألش غير اللي حبك وصادق
عشانك أخاصم ولأجلك أصادق
وضلة غرامنا شجرها المبادئ
أصوملك صيامك وأصوملك صيامي
وسر أحترامك في قلة كلامي
يابيرم ياأكبر ذكور المناحل
بأذن وأكبر
أنا ابن السواحل
أنا ابن اللي شايل
غلق فوق دماغه
أنا ابن اللي راسم
طيور فوق صداغهُ
أنا ابن اللي شابط
في بكره بفتلة
أنا ابن اللي زارع
ورا البدر شتله
أنا ابن الرقيق البسيط البدائي
وأبويا اللي جاهد جهاد السواقي
أبويا الصعيدي اللي ساكن في عشه
وأبويا اللي تكنس همومه المقشة
وتركب همومِك مخدة كتافة
أبويا اللي خافك يابختك بخوفه
يابختك بخوفو وبالأهرامات
أبو الهول بيزعق
تعب م السكات
وأبويا بقي أخرس
تعب م الكلام
لسانك حصانك
ياتركب لسانك
وتمسك لجامه
ياتركب زمانك
وتبلع كلامه
وأنا أصلي بعشق
سباق القوافي
وأحب اللي يرشق
كلام بين كتافي
وأحب اللي ينشأ
علي الأرض حافي
وأحب التصافي
وكلمة عوافي
تقولها الصبيه
بميت الف هالووه م الأجنبيه
فلا البدله تنفع تكون جلابيه
ولا الفيلا تقبل تكون لك وليا
وأنا ابن الوليه اللي تعجن وتخبز
وتغسل وتطبخ وتولدنا واقفه
بدون قيصرية ولا حكم داية
نقوم أحنا نطلع ضعاف النوايا
أنا هيكل أمي علي جلد أبويا
ماليش توب محدد ولا لوني بوية
أنا نطفه نيلي ف حضن الخصوبة
مع الشمس أَفَتْح ولحظة ماتغرب
أموت من ضلام السما والرطوبة
إسم الشاعرالبلدإسم القسمالمشاهدات
محمد عبد القادرمصر☆ شعراء العامية في العصر الحديث875