تاريخ الاضافة
الأحد، 15 أبريل 2007 11:44:12 م بواسطة المشرف العام
0 1875
واخا و بالزاف
يا ابن الحلال إن طعتني خل الإسراف
واترك جمال الغيد لأهل القصيده
الزين موبس الملامح والأوصاف
الزين روح وعفه وطيب سيره
مانيب من يهوى ثريا وانصاف
أنا هواي وبس بنت الجزيره
بنت الخليج اللي تماري بالأعراف
وحنا نماري باسمها كل ديره
مالي غرام بقول واخا وبالزاف
اذبحني عند الطرحه المستديره
أحب قولة ياهلا وعل وماخلاف
من بنت ثوبي بنت الأرض النضيره
اللي تحلاها الظبي حلو الأطراف
جمال في عفه ورقه وغيره
واللي بها سحرٍ ماهو سحر عراف
ياعل عينٍ ماتراها ضريره
عطف وحنان وذوق في لين الأعطاف
وإذا كشفت إلثامها شفت أميره
صعبه على اللي بالردى شاف ماعاف
وحلوة على اللي سنة الله ضميره
شمسٍ إلى من أشرقت والدجى طاف
غابت انجومك غصب لوهي كثيره
السيف مايزهى سوى كف سياف
والخيل دون حصانها مستخيره
بس انت دورلك على قدك إلحاف
وإن طعتني دور بدلنا عشيره
إسم الشاعرالبلدإسم القسمالمشاهدات
طلال الرشيدالسعودية☆ شعراء العامية في العصر الحديث1875