عناوين ونصوص القصائد   أسماء الشعراء 
الشعراء الأعضاء .. عامِّي > السعودية > محمد بن جزاء الخنفري > أول كلامي

السعودية

مشاهدة
1729

إعجاب
2

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

أول كلامي

.
أول كلامي بسمك الله سميت
ياخالق خلقك وعندك مصيره
ياواحد بأمرك ولرضاك صليت
وأنت الذي مانيب أصلي ألغيره
واسجد أبوجهي لك وباسمك ناديت
تجعل لنا من نور هديك بصيره
ياواحد عن كل ندا تعليت
والكون في حرفين بمرك تديره
تعلم ابمبديلك، وتعلم أبمخفيت
أنت الذي تعلم خوافي ألسريره
من بعد ذا فتحت باب وصكيت
باب يجيب الشك من دون غيره
وبسطت كفي للحقيقة ومديت
حبل التواصل يوم حاسوا مريره
فكرت ثم جهزت دلوي، ودليت
في عيلمآ º وروده تزاحم صديره
ومليت صملاني من الشعر واسقيت
خيل القصيد اللي تصد ألمغيره
واخترت جزلات النوادر ونقيت
فرايدن،كنها الكوكب منيره
طبيت في مثناتها واستخصيت
بيت القصيد وفارسه وأبن أميره
وشبيت نار، وبشوارد، تقهويت
لين انحنت جزلاتها المستذيره
ويوم استوت لي فكرت الشعر غنيت
لأرحم أبو رجال مافيه غيره
واللي يقول القول من غير تثبيت
ضريع مايشبع ويغني فقيره
وأنا وضوحي حدني لين حديت
نفسي عن الظل الظليل الهجيره
وعقل التحفظ لجل الإفصاح فكيت
وعقلت نوقات، الطموح وبعيره
وأطلقت من فكري، سبوقه وهديت
حر الكلام اللي بعيد مطيره
اللي إلى سمعوه قالوا لي أقديت
روس الرجال اللي ألمثله خبيره
صديقي إلى غاب له ماتقفيت
ولأنيب ناطور الكلام وخفيره
والهرج ماني له كثير التلافيت
والبال واسع والهقاوي كثيره
وصديقي إلى قالي،صوبه أصغيت
أسمع كلامه وأنصحه وأستشيره
مأضهر خفايا سدته لشماميت
أحزاب شيطان النفوس وحميره
لو أيترداء صاحبي مأترديت
مانيب من خيب رجاء مستجيره
عيب علي أن كان عنه تخليت
لي فزعتن تبهج محاني ضميره
لو ما أملك الا الروح له ماتغاليت
كنه خشير لي وكني خشيره
صداقتن مرفوعة الرأس، وأصيت
شيمة الرجال بمعناها كبيره
شيمت عرب منها وفيها تربيت
مثل المهادي والسبيعي قصيره
ماهي صداقت مال ولا سرابيت
مصيونتن من كل عيب ومعيره
سيرت أبو أعزها وأستعزيت
والعز لآهل العز موطن وديره
يامضحي الدنيا على كف عفريت
تنجب أمورا يابن نامي مثيره
وان كأنها غرتك وغوتك وخطيت
وغواك شيطانك وتتبع مسيره
وإعماء عيونك يابن الجواد وعميت
وغواك ظنك بين شك وحيره
وأصدرت تقريرك علي دون توقيت
مأتدري أن في حزامي ذخيره
ليتك صبرت شوي وألا ترويت
حتى تركز فالخبر وتعبيره
مادام أصابك ريب مني وشكيت
كسر الخواطر مالقيله جبيره
وأنا العطش لو حدني غصب وضميت
ماشرب من الهين وصافي غديره
والله ماقلت ألقصيده ورديت
الا بصفي جوها وتعكيره
والله لولا قالت الناس، شحيت
أني لأخلي سيفها في جفيره
لا ذابحن حين ولا محيين، ميت
ولا نيب مشفي من عيونه ضريره
بغيت أخليها تولي وذليت
من هرجتن تغري صباح وسميره
ترفع بها الأصوات ويقولوا أزريت
وينشر صداها في ربوع الجزيره
وأسلم ومن سلم الخطاء، حظه بخيت
وأرابح اللي كف شر وخيره
وأخذ هالجميله صمها، لأطمأنيت
من ردة الفعل العنيف الخطيره
بليا تحفظ قلتها لك وحبيت
تقرءا أنتاج أفكاري مانستعيره
وختامها كبرت لله، ولبيت
عساه يكفيني لهايب سعيره
عساه يثبتني إلى مني ألقيت
في مظلم، ضيق، وفوقي حفيره
بديت بسم الله وبسم الله أنهيت
جزل يشابه عود جاوه عبيره
محمد بن جزاء الخنفري

هذه القصيدة رد على الشاعر والصديق / مضحي نامي السلمي
التعديل بواسطة: محمد بن جزاء الخنفري
الإضافة: الأحد 2007/04/22 11:53:52 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com