تاريخ الاضافة
الإثنين، 23 أبريل 2007 01:02:34 ص بواسطة د. فوزى أبودنيا
0 1177
احلامنا طاطيت
بسم الله الرحمن الرحيم
احلامنا طاطيت ياولد
والدنيا ظاتت ع المدد
الحسرة سكنت ف الكبد
رغم العدد
وتقول لمين
مليار بقينا يامسلمين
صوتنا الى خارج بالانين
مدبوح على باب السنين
يكاد يكون فيه الرمق
بيقول دا مكتوب ع الجبين
والقلب دامى وليه حزين؟
ليه مكسورين؟
متفرقين
كنا نخيل مادد جريده ف السما
ايه اللى خلاه انحنى؟
فرط سباطك يانخيل نسانى نطق البسمله
اقراء ف عديه ياسين
انسى الى حافضه من سنه
القلب شب ع الشواشى ف الشجر
لما القلوب بقيت اشد من الحجر
ماشى بتطحنى السنين
وغربلتنى المجزرة
واما ماجورك ياعجين
ماعدتلوش شايف طحين
ماتقولنا نخبز لمين
داحنا ف زمن الجعجعه
مابقيتش دارى انا حتى مين
يا هل ترى؟
انا دا...... ولا..!
مابقيتش انا
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي1177
لاتوجد تعليقات