تاريخ الاضافة
الإثنين، 23 أبريل 2007 01:11:05 ص بواسطة د. فوزى أبودنيا
0 1011
فين الهلاليه؟
ابو زيد زمانه وصل
الى عليه القصد والنيه
فين الهلاليه؟
الناس ماهيش ناسه
والدنيا مش هيه
ركب الكحيله وقام
يلف ف الدنيا
سافر على بغداد والقلب متحسر
الهمه همدانه والعزم متكسر
شاف العرب الوفات
والعجم بالميه
من دجله لما الفرات
مش لاقى حريه
ربط الكحيله وقال
ارتاح هنا شويه
قيد الكحيله فك
راحت على فلسطين
اشلا جثث اطفال
ع الارض مرميه
وعيون تقول لليل
مشتاقه صبحيه
نورها غنا ومواويل
شمسه ف عز الضهر
بشعور ملاليه
طالعه مضويه
تدفى نبت الارض
عطشان لحنيه
ابو زيد صحى م النوم
شاف الكحيله هناك
ف القدس مزويه
شجر زتونها مات
واطلال مرميه
ابو زيد خد المشوار
كان ماشى يتكفه
لما وصل لهناك
كان عدى ع الضفه
الحزن فيها شاب
مادد كاساته عذاب
والمر ماكفا
راحه تودع شهيدها
لكن ماشفهاشى
عنيه مالمحاشى
غزه تنادى عليه
يابو زيد هنا غيتنى
يهودى قليل الدين عايز يموتنى
مد الخطاوى وراح
لقاها مجروحه
سمع ندا لبنان
بانينها مكويه
ركب الكحيله وراح
لقاها مكبيه
صرخ بعزم مافيه
فين الهلاليه؟
فين الهلاليه؟
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي1011
لاتوجد تعليقات