تاريخ الاضافةتاريخ التعديل
الإثنين، 23 أبريل 2007 10:58:57 ص بواسطة محمد أسامةالسبت، 31 مارس 2012 08:09:07 ص بواسطة محمد أسامة
0 553
السبوع
وقمتى يا مينة سعيد
الوليدة
وهلت معاكى الوفود
الجديدة
وجدت عليكى مبانى
وشوارع
... وتمثال اوجينا
وسبس المصارع
بالاس للأحبة وبيت من
حديد
باروخ ويا كورى ..
وينى وجران
طناشى و كوكى .. وكان
ياما كان
وصالح سليم الوحيد
اللى بانى
وكانت جديدة علينا
المبانى
وحارة اليهود اشتراها
المرابى
ولسة بنحلم بحسرة
عرابى
جنينتك ياباشا عشان
مين بنوها
عشان الاجانب وبنتك
وابوها
فى أول مانبدى نشوف
السفاين
نشوف الشلخت اللى
اصبح له حارة
ونلضم بداية حياتنا ف
دوبارة
وتطلع قهاوى قصاد
البارات
*************
وتظهر مساكن باسم
عمارات
لجولف المجايب يا
رمسيس ولادى
جنينة بجنينة ..
ونادى بنادى
يا سعد الجناين فى حى
الغلابة
يامحمدو يا حلبة يا
مدفع خطابة
يا عبود يا باشا يا
مالى ف بلاده
يا عيسى يا كوزمو
ياسى الأولدرادو
يا أول صيادة بخيشة
ودوبارة
يا ترماى بلدنا.. يا
مترو الحمارة
دا صاحب الكاريتة
مالوش ف الركايب
ورشوه وفزيتة .. ها
تبدى النصايب
يا عباسى مادنه .. يا
توفيقى مادنه
يأول مداين ترد ف
بلدنا
يابا الشيخ عطالله
ياحاج ابراهيم
توكل على الله بحق
الكريم
حيالله ف بلدنا وناس
واكله فيها
وجاى من أوربا غريب
يشتريها
يادوبك فى خطوة ما
كملنهاش
وكلمة بلاطوه ما
فسرناهاش
ما تيجى ياعمى نكون
بمبوطية
نسيب الجزيرة ونغطس
شوية
نشوف الملاحة ونركب
فلايك
ونصنع جوابى ونغزل
شبايك
ونبدأ نلاغى .. نكلم
نشاور
نبادل نتاجر ونفتح
مناور
مدام لانجليزى مقفل
علينا
وهيئة فرنسا بتتسلى
بينا
واسهم بلدنا شفطها
الخديوى
يا كتر الغلابة ف وسط
الرشاوى
يا بخت الوظف ف كامب
بريطانيا
يا جوكر وبوكر يازند
.. ومتانيه
معلم ف هيئة .. يا
مكتر فلوسك
تناسب عيلتنا حماتك
تبوسك
تطب البحيرة وتصطاد
حناجل
************
أبوك يبقى خايب مخلفش
راجل
على الكامب تكسب
وتعمل مالية
دا كار الصيادة
أمور بلطجية
وجمبة شبارك
يا دوب بالبريزة
ها تسكن وتلبس
ونفسك عزيزة
وعمرك ما تنزل
فى مرة البازار
ها تفضل مكلضم
ما تعرف هزار
وكاترينا قاعدة
تشوف الكفوف
وتضرب ودعها
لأكبر خروف
ودعها انجليزى
يا شعبان تعاسة
ولسه ها تكتر
أمور الغلاسة
يا سيد عفيفى
يا شهم وفتوة
بلدنا لازمها
مع الظلم قوة
يا ألفى يا قوطة
يا خلفة لهيطة
يا عنبر يا ضاحى
يا كل النواحى
اللى فيها ارتياحى
ما تيجى نجرب
ونحرق ألمبى
وشكشك براتك
تخلص لى ذنبى
********
نشجع نادينا .. يا
موسى يا فارس
يا أول رياضة شافتها
المدارس
يا مصرى يا أصلى ياعم
المعارف
ما حدش بيسأل ما هو
الكل عارف
يا حلمى يا زامك ...
ياتعلب هولندا
ما حدش بصالك ف وقت
المعاهدة
ها ياخدوك أوروبا
تلاعب ايطاليا
تروح للزناتى وتاكل
فاصوليا
وتكتم بكارع وتحبس
ببليلة
إسم الشاعرالبلدإسم القسمالمشاهدات
محمد عبد القادرمصر☆ شعراء العامية في العصر الحديث553