عناوين ونصوص القصائد   أسماء الشعراء 
شعراء العامية في العصر الحديث > مصر > محمد عبد القادر > الرباية

مصر

مشاهدة
674

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الرباية

مصرى
أنا
وتوب الصدق
بارتاحله ويرتاحلى
عمرى هنا
وقلبى ان دق
باسمع له ويفتحلى
صحيفة عمرنا كله
وياما البحر سوحلى
رباية عمر ما تبطل
وحب الشط متأصل
فى جد الجد وولاده
شبايك عزل متوصل
جمال التبر لويلمع
فى عين الشمس يسحرنا
وكعب الرزق لو يرزع
بساط الشط يغمرنا
بخير مقسوم بدون قسمة
بغنوة عشق مبتسمة
وكان الرزق لوصهين
والاقى العمر بيكرين
من السكة خطاوى بعيد
أحاول واسبق المواعيد
أغيب بحار و متسوح
منين النسمة ما تروح
أرتل غنوتى ليكى
أشوف ع البعد ف عنيكى
شراعك الابيض الصافى
دراعك شبه مؤدافى
بيندهلى أعود للشوق
ويدفعنى لسانى يدوق
ترابك لما يتفلفل
وبابك عمره ما بيقفل
وعمرى ما كنت با تغرب
لشئ مجهول....
ولا ايدى بتتسوح
وانا مغلول
لغيرك رزقى مايطاطى
لأ زادى وبساطى
وبدرى ف سرحتى الضلمة
ووحييى فى رسمتى
الكلمة
وعمرك صافية وحليوة
وشادة الوسط بخليوة
زمان ع الكتف ركبتى
وعقد الفل ف رقبتى
قصاد الناس وخدتينى
فى ليل و نهار
زرعتينى
بدأت اتعلم اللهجة
لا تينى الكلمةأوصينى
أصيل الزرع ربانى
وحبك ليا ربانى
..وخلاانى
أسير الميه والموجه
عشقتك بنت أو زوجة
ولما الناس يحبونى
يغير قلبى على ربايتك
واحبك لما بتكونى
بسيطة وماشية بملايتك
وعينك تبقى فنيارة
تنور سكة الغرقان
واحبك تبقى سنارة
وطعمك حب مش حرمان
محمد عبد القادر
بواسطة: محمد أسامة
التعديل بواسطة: محمد أسامة
الإضافة: الاثنين 2007/04/23 03:44:30 مساءً
التعديل: السبت 2012/03/31 12:14:50 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com