 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| السبت فات والحد جاى |
| والشهر بيقول باى باى |
| هى العلاوه ها تعمل ايه |
| والعدس داخل فى الترفية |
| يا خسارة يا أسمر يابو جبه |
| من قلبى خدوك لاوربا |
| يلبسوك الكرافتات |
| ويعلموك تهبش الوفات |
| عشان ينسوك الكشرى |
| وتبقى مستورد عشرى |
| تخش ع الناس بالبلوبيف |
| وزبده من شحم الحلاليف |
| أصل الفقير من غير معده |
| والاستيراد عايز قاعدة |
| والقاعدة يلزمها البرشام |
| والبرشام عايز اعلام |
| والاعلام عايز اعلان |
| والاعلان عايز جرنان |
| والجرنان عايز تحرير |
| والتحريرعايز تفسير |
| والتفسير عايز تحليل |
| والتحليل نازل ف النيل |
| دمى ودمك ف التحاليل |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
