تاريخ الاضافة
الثلاثاء، 24 أبريل 2007 10:55:55 م بواسطة د. فوزى أبودنيا
0 1282
شديت لجام الفرس
شديت لجام الفرس
فز الفرس قام هرس
سطوة كبير الحرس
تقولشى قمح ف عيدانة
نورج ومر اندرس
صاب الجميع الخرس
ياعود بخور ع السندرة
قايد بقاله كام سنة
وعبيره مالى المندرة
كل الحبايب
سكنو ليه تحت الثرى
مكتوب علينا ايه
يارحلة مرسومة
مكسور ياقلبى ليه
والدمعه مهزومة
والكلمة مقهورة
ناعسة على الترعة
وبهية موهومة
مكتوب على الزلعة
نهاية محتومة
حجر ف ايد عيل
يكسر جدار دومة
ياطالع النخلة
مافيش هناك زحمة
والرحلة مقسومة
بلح ف حضن السباط
وقت السوه فراط
مافيش مابينه رباط
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي1282
لاتوجد تعليقات