تاريخ الاضافة
الأربعاء، 25 أبريل 2007 10:24:12 ص بواسطة د. فوزى أبودنيا
0 1054
مش هقول حاجة
مش هقول حاجة
ملامح حُبِك العطشانة للدنيا
مقدر تش تمسك بقلب الحياه
ولا قدرت تقف ف وش الموت
مع اول موجة رحيل
ركبت قطر الفراق
وسبتني قلبي عليل
للوحدة والأشواق
ياهل ترى ؟
انا اللى احساسى اكتر م اللزوم
ولا انتى كنتى اقسى م القساوة
لما رضيتى يكون
بينى ومابينك الف حجاب
الفين بحر مايتعدوش
وكواكب حزن مايتوصفوش
لما تسيبي قلبي المسافر جواكى
يفرمه قطر الفراق
يلاقى قدرة مسَكنه ف بطن داء
لما حبك السكر يبقى بطعم المر
ولاينداق
لما اطير ف جنت العشاق
وانا مكسور الجناح مش حر
لما هان عليكى...........
جلدى اللى كان بيلمسك
..................يدبل حنين
لما هانت عليكى.........
درعاتى اللى كات بتحضنك
.......................فرح وانين
وتحضن
الامل اللى زرعناه سوى
ف عنيكى صبر السنين
لما هان عليكى
نظرة العين اللى رسمت
اكبر صورة ليكى
وشاورتى للقهر يكسرها
وانتى بترحلى
لما هان عليكى شعر راسى
كات ايديكى تطوف عليه
يطرح قطوف م الحنان والحب
لسه اخر لمسة باقية فيه
هقولك ايه
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي1054
لاتوجد تعليقات