تاريخ الاضافة
الأحد، 29 أبريل 2007 10:00:34 م بواسطة د. فوزى أبودنيا
0 1136
الدمع مالى العين
عودك هزيل
ولونك شاحب ياما
توبك مقطع ليه
وصوتك نحيب ياغاليه
وف عيونك دمعة ليه
مين إلى هانت عليه
يغسل بدمعك توبه
يغسل بدمعك أيديه
مين إلى كبل ايديا
معرفتش امسح دموعك
مين إلى مزق توبى
وتوبى كان منديلك
مين الى حابس دمعى
دا دمعى كان دوا عينك
صوتك نحيب ياغاليه
والدمع ملو العين
**** **** ****
سجانا ياما الزمن
ولا دا ولدك
ليه هنتي ياما عليه
وليه رضى ذللك
مش قادر ينطق لساني
حزنان على حزنك
عروستى كاتب كتابك
مش قادر افرح بك
وانا امى جوه الزنا زن
حبسوها يوم فرحك
علشان لا تفرحي بى
ولا انا افرح بك
علشان لانتى تكون بى
ولا انا اكون بك
قصو ضفايرك قيود
وكبلو امى
وألوان بيبان البيوت
رسموها من دمى
صوتك نحيب ياعروستى
والدمع مالي العين
**********
قيد الخطاوى قيدوه فيا
لانا قادر اخطيلك
ولا انتى قادرة تخطى ليا
بينى وبينك لون ضى النهار
وحاسس كان الخطاوى
بينى وبينك طوال
عايش بحس الليالى
كئيبه ملانه انكسار
كلام الغناوى على لسانى
حاسس بطعمه مرار
وارغولى صوت أنغامه
مكسورة ع الأوتار
صوته مليان نحيب
والدمع مالي العين
**** **** ****
شعرك دا ولا
حبل مشنقة عشماوي
شايب
وشايخ
ومليان جفاف
لون عيونك دبلنين
مقهورين
حتى لون شكلك حزين
شكل الملامح
ف العيون تايهين
لانا عارف دا كان الخد
ولا دا كان الجبين
وانتى الى خدك كان
شهد ف لون الرمان
وانتى الى كانت شفايفك
ورود بلا دبلان
فين الصبا راح فين
قتلوه حفنة سنين
ومين يصدق مين
ان السنين دى كلها
عدت عليكى كانها
لمحة
او ليلة
او بالكتير يوم
ازاى شوية سنين
تقدر تخلى الصبا
يضيع فى حبة سنين
صوتك نحيب ياغالية
والدمع مالي العين
**** **** **** ****
إسم الشاعرإسم الكاتبالبلدإسم القسمالمشاهدات
فوزى أبودنيافوزى أبودنيامصر☆ دواوين الأعضاء .. عامِّي1136
لاتوجد تعليقات