تاريخ الاضافة
الإثنين، 30 أبريل 2007 09:17:53 ص بواسطة محمد أسامة
0 1115
نص الوطن عسكر
إلى روح محمد السقا شهيد مظاهرات تأييد انتفاضة الأقصى فى مدينة الإسكندرية
****
يا قلب شاعر فى مسيرة الجامعة
يا خدك حماس الشعر
تهتف كأنك حى
كل البلاد تسمعك
ومصر مش سامعه
مخنوقه بين ضلمتين
وانت بتنزف ضى
نص الوطن عسكر ونصه عبيد
بتخبى روحك ليه تروح لبعيد
دمك هدر يا محمد السقا
هتفت للقدس ماحلمتش تجيب شقه
عشان كده بتموت عشانها شهيد
بتموت يا واد من غير ما تسأل حد
بتموت ومتهيألك انك واخدها بجد
مجاش فى بالك يا واد
اسكندرية و رام الله تحت نفس الحصار؟
جيش الدفاع هوه فرق الأمن
مافيش خجل ولا احساس قوى بالعار
دم الشهيد لو للكرامه حن
تتفك عقدتنا بأغنيه!!
إسم الشاعرإسم الكاتبالبلدإسم القسمالمشاهدات
سمير الأميرسمير الأميرمصر☆ دواوين الأعضاء .. عامِّي1115
لاتوجد تعليقات