تاريخ الاضافة
الإثنين، 30 أبريل 2007 10:55:20 ص بواسطة محمد أسامة
0 455
إلى روح أبى
اسمى وراه نقبى نأبك عليه نأبى
نأبى على شونه والسر ..ف.. الشونه
************
عيط علينا الغيط
والنخل ضهره انحنى
يا ريتنى ما حنيت
يابا لكار الغُنا
هو انت لما مشيت
سيبت البكا عندنا
**********
رضيت بنص العمى
شايف لكين عاجز
عايزك تعودانما
انت اللى مش عايز
يا ريتك يا بويا مسكت العصايا
وعلم فى جسمى بضربك غنايا
رميتنى بحبك لجهلى وعمايا
وآخر المته..ماحدش معايا
**********
من ترابك رد يابا
اصحى لا يطول غيابك
قلتلك لم الديابة
قبل ما يحشوا ف منابك
**********
قلبى ملاه السوس
من يوم ماضيك ما غاب
والخلق فيه بتدوس
علشان مالوش أصحاب
إسم الشاعرالبلدإسم القسمالمشاهدات
محمد عبد القادرمصر☆ شعراء العامية في العصر الحديث455