تاريخ الاضافة
الإثنين، 30 أبريل 2007 01:39:56 م بواسطة محمد أسامة
0 521
ذكري م الذكري
عشقت الرملة فى اللفه
وملح الميه يعسقنى
ركبت القلع والدفة
ومن دا الحب زاد شأنى
سقانا البحر ايدمن ايد
ولملم فرطنا عناقيد
وعشش سقفنا غابة
وخضر بيتنا لبلاُبة
وكنا نعاكسه ونغازله
نطب نقب.. نغمزُله
وعشنا العمر من عزله
لحقنا الوزنة ف الغطيان
ماكتش الوقه لينا ميزان
ولا السماك فتح دُكان
وكان بالجمبه برغوتنا
كان الزرعة من غيطنا
عاشرنا الدهنة مبرومة
فى رصة صاجة مزحومة
ساعات نحشيها نربُطها
ساعات فى الملح نخلُطها
ولما بتحكم السهرة
تطُب الحنجلة الخضرة
نكوم جنب قراصة
وجنب ف عضم و مصاصة
وقبل الفجر يصحوا له
عشان يصطبحوا بخلولُة
ولما يروح علينا النوم
نقوم نصحى منين ما نقوم
على أصناف منادية
ما بين فايت بتمرية
وبين جلاش وخد الجميل
وكان النده له مواويل
وكان الطبل كان معروف
أميز طبلة الخرشوف
من الطبلة اللي ع الكوهنه
وياما العشق توهنا
وجابوا منادي يندهنا
وكل منادي له حارة
وساعة العصر طيارة
نطيرها بحبل غسيل
نِرص أمواسنا جوا الديل
وساعة الحرب كات تركب
وينفد منها مين يهرب
نشيل للضامه كرتونة
ونحلة تلف مسنونة
ولعب الطوظة كان كارنا
ماحدش يتقنوا غيرنا
صاحبت السلك والطبلة
وياما هربت م الأبلة
وشيلت الفخ والمنيح
يلازموني منين ماأسرح
وكام درجت من بقير
يفوت موسم والاقي الطير
علي عشي القديم يخبط
أصيد م الميه ميت بطحوش
والم أصحابي وسط الحوش
في عز الناس مابتقيـيل
تشوفني ف وسط ميت عيــل
تقول عني دا ، واد أراجوز
تلاقي ف جيب غطا كزوز
وجيب تاني نقي وطباشير
وأستك نبلة بيلسوع
لواحدة تكون بتتأسوع
مع واحد خشب ممروع
ولو نادي في بطني الجوع
لانا مروح ولا مزاكر
أني برغم دا شاطر
وكان القلب له دقه
بسيطة وضفتين رقه
وكان لسه عمود النور
خشب وهدومي من دمور
ألغمط روحي في الرملة
كمن السقا كان يملا
صفيحة الميه بالمليم
ويدي لكل بيت تعاليم
عشان الملو كان بالدور
ولو مرة يفوت حنطور
تلاقينا ولا الزفة
ولو واحد شايل قفة
لابد نبص إيه فيها
يانقلبها يانخفيها
وكان الطوب يضاحكنا
وكل البيوت ماهيش ساكنه
شقق كت فاضية تتبخر
بمية بحر أو عنبر
وكان مصرفي قرش أحمر
يفوت عثمان بلب أسمر
وحبة فول من أيامها
سناني الطعم في اخرامها
كثير أيام جميلة تفوت
وناس بتعيش وناس بتموت
ماحدش غني لخلوله
وخللي لسانها يترقص
أنا غنيت لماضي وراح
وخدت سيجارة م السواح
ودقت الكستنه تفاح
وطول عمري باعيش ذكري
ماغيب عنها في يوم وارتاح
إسم الشاعرالبلدإسم القسمالمشاهدات
محمد عبد القادرمصر☆ شعراء العامية في العصر الحديث521