تاريخ الاضافة
السبت، 5 مايو 2007 02:48:23 م بواسطة محمد أسامة
0 1038
اه يا شطوط التوت
اه يا شطوط التوت
نفسى ادوق من تانى طعم الحواديت
واشم ريحة البيوت
نفسى انام ع الفرن زى زمان
فى حضن العجين..الأمان
العجين.. الحنان.
يادى الحنين الجنان
يادى الحنين اللى خدنى من سنين
داست على وش السنين
من بعد اللى فات فى القلب
جفف خلايا الروح
انا دلوقتى مين؟
يجوز أكون مدبوح ومش دريان؟
طب سندونى ع الوجع يمكن
أكون عيان ...
أيوه أكيد عيان ومش ميت
ما دمت لسه باحس بالماضى
وبحن للى جى
وببص حواليا ومش راضى
فاالحزن ده يشهد بإنى حى
الحزن ده يشهد بإنى حى
إسم الشاعرإسم الكاتبالبلدإسم القسمالمشاهدات
سمير الأميرسمير الأميرمصر☆ دواوين الأعضاء .. عامِّي1038
لاتوجد تعليقات