عناوين ونصوص القصائد   أسماء الشعراء 
شعراء العامية في العصر الحديث > مصر > محمد أسامة البهائى > الرجال مواقف

مصر

مشاهدة
2642

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

الرجال مواقف

يامصر وأنا اللى ناطق لسانى الفصيح
طاير بيكى طير مكسور الجناح جريح
كل شئ فى الدنيا كدب وزيف صحيح
بس ولادك إن ماتعشق تعشق صحيح
وأنا ابن الست البسيطة
اللى ربت فيا بنيان الجبال
وخلقت للوطن رجال
قادرين ع المحن وخريطة
بتعد الغيطان والمصانع فوق النيل
زارعتها لساها لليوم
نبته بالخضار والقوت
وجبالها الشوامخ
فايته ف السنين
فاهمه ومش عبيطه
رغم الموت اللى بيحدفوه
عليكى بالهموم
والمعاهدات اللى بيبرموها
بأعتى السموم
الخواص أتلايمو عالعموم
والعموم سبحه في أيديهم
يفركوها ضلال وتقوى
ونضيع علي أي سهوا
لجل تحظى كل صفوة بالغنيمة
بالأونطة وشغل سيما
كعكة مره وبالكريمة
وف الدفاتر القديمة
صفحة وحله ونفوس كريهه
يغمُونا باستغمايه وماتش كوره
لاجل ماتخيل علينا الخديعه
ومانحسش بالوجيعة
ومش هاتقوى مهما تقوى
جاي يومها بس نقوى
أيوه يامصر بس نقوي
فاكره مين من ولادك يعمى موتك
فاكره ناصر لما قالها بعلو صوتك؟
كلمة دوت فى المحافل بالحمول
صخرة عثرة للمطامع والمغول
التتار علمها تركع بالخيول
وكل موجه في صدره ترجع
من شرارة غيرته ع التراب
والبني آدمين بالإيمان بتتبع
تواجه معاه الموت ولا كانتش ترجع
مرت سنين علي كل ريح عاتية هبت
وقفت كما المارد يابن مصر
توهب للوطن
عزم الخطوة
وعزم يزيد الرجال
اللى صنعت فينا العزم للنهارده
ياخد بأيدنا مننا فينا
يعافينا
وانا اللى طالل
على فجر راقد بالحنين
من سنين العمر
آمنت إن الرجال
مواقف تتبع مواقف
محمد أسامة البهائى
التعديل بواسطة: محمد أسامة
الإضافة: الأربعاء 2007/05/09 04:59:29 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com