تاريخ الاضافة
الخميس، 10 مايو 2007 07:50:31 م بواسطة أحمد العولقي
0 1208
ألف ونّه وسط قلبي
ما بقت أفراح فيني ولا بقت فيني سعاده
كل ما فيني [ دموع ] تهل من عيني حزينه
أظلمت كل المدينه وأعلن العالم حداده
ولو تشوف أحياء --[ جدّه ]-- ما بتلقى فيها زينه
آآه يا روحي الحزينه آآه يا مقسى بعاده
[ جَدّ شاعر ] لو يعوّد إفتداه بشوف عينه
حزّت بأعماق نفسي من رأيته في ركاده
ميّت(ن) وأحسبه نايم وسط الأكفان اللعينه
من رأته العين هلّت سيل دمعاتي بزياده
ما دريت إن الزياره بتشعل بقلبي حنينه
شيخ(ن) وقايد توفّى من تحقق له مراده
ربّى أجيال(ن) على خيره وطيبه تابعينه
كان عايش وسط عالم كُرْه .. ونفاق .. وحساده
ومن توفّى وسط قبره ع السكينه حاسدينه
هذا قلبي من لهيبه ما تبقى الا رماده
ينبض وبه ألف ونّة مثل سكيّن(ن) سنينـه
والحزن عوّد لقلبي موطنه وأرضه وبلاده
والعنا يصرخ بروحي هذا هو اللي تجهلينه
يا بعد راسي وذاتي [ أمّي ] يا فصّ القلاده
أصبري والله يجزي من يباتوا شاكرينه
أحمدي ربّك على حُكْمَه وقضائه في عباده
والله يرحم من توّفى ويلهمه بقبره السكينه
بس هذي يالخلايق حكمة الله في عباده
وراضي بحكمة إله(ن) آخر أيامي بإيدينه
إسم الشاعرإسم الكاتبالبلدإسم القسمالمشاهدات
أحمد العولقيأحمد العولقياليمن☆ دواوين الأعضاء .. عامِّي1208
لاتوجد تعليقات