تاريخ الاضافة
الثلاثاء، 15 مايو 2007 07:41:15 م بواسطة محمدعثمان جبريل
0 444
صاحب الطريقه و مصاحب الطريق
أنا صاحب الطريقه
ومصاحب الطريق
و بانشد للحقيقة
و العدل و البرئ
سبحتى الدقيقه
كهرمانها عتيق
و محرابى حنانى
و خلوتى الصديق
ما نا صاحب الطريقة
ومصاحب الطريق
وغضبى لو شيطانى
اتملك فى الاغانى
و صيت للظلام
أو قيد لى جناحى
وبراحى شال جراحى
سكوتى يكون حرام
حتى و لو دقيقه
مانا صاحب الطريقه
ومصاحب الطريق
ورضايا جوه نفسي
وصراخى زي همسي
وكلامى زين رقيق
مانا صاحب الطريقه
ومصاحب الطريق
فى حلمى مش أنانى
و بانسج فى الأمانى
و أعانى لو يعانى
فى رحلتى الرفيق
ما نا صاحب الطريقه
ومصاحب الطريق
محبوبى مرايتى
وهو هو غايتى
و سرورى فى سريرتى
و سرى سر سيرتى
و خمرتى العتيقه
و يردى فى الحريق
مانا صاحب الطريقه
و مصاحب الطريق!
إسم الشاعرالبلدإسم القسمالمشاهدات
محمدعثمان جبريلمصر☆ شعراء العامية في العصر الحديث444