دمعت العين لا تجرين فوق الخدود | |
|
| كفي الدمع ياعيني بلاشي عذاب |
|
كل ماجيت اريح فالزمان اللدود | |
|
| لدني وقتي اللي منه ذا الراس شاب |
|
صاحبن لي معي وافي وقدره يزود | |
|
| ايه قدره تعلا وصل حد السحاب |
|
ايه هذا الصديق اللي بقى فالوجود | |
|
| شفته اليوم ماسك خنجره بالنصاب |
|
ماخبر اني عليه اخطيت وش هالجحود | |
|
| طاوع الناس فيني ماحسب لي حساب |
|
بالاضافه الى ذالك بكل البرود | |
|
| اصبح اليوم نمامن وله الف ناب |
|
صار ينقل على لساني كلام ويزود | |
|
| وان نشدته علامك قال مزحة شباب |
|
ايه هذا الصديق اللي برد بالصدود | |
|
| اصبح اليوم قدره مثل ذاك السراب |
|
ما درى ان الحياة بتالي العمر دود | |
|
| قبر مترين طوله في متر بالتراب |
|
قالها اللي مجرب والتجارب شهود | |
|
| مايبي يبهت العالم وعلمه سراب |
|
الصداقه بهالايام شي محدود | |
|
| اصبحة للمصالح واللهو والكذاب |
|
والصداقه منول في زمان الجدود | |
|
| يوم كلن عن الثاني يسل الحراب |
|
يوم طعن السيوف ويوم قدح الزنود | |
|
| يقف دونك صديقك للخطر مايهاب |
|
يالله اني دخيلك ياكريمن ودود | |
|
| من صداقة هل النمات واهل الخراب |
|