تاريخ الاضافة
الأحد، 20 مايو 2007 08:09:20 م بواسطة عساف
0 497
كويتيه
البارحة في منامي زولك لقيته
ما اجمل اللي شفته واجمل طواريك
فديتها كويتيه جمالها فديته
العنود اللي نغم صوتها يشجيك
خفوقي بهواها عسلها سقيته
وصافي شهدها طعمه يرويك
يا مزين البرقع قلبي خذيته
وكل نبضاته تنادي ابيك
انت بخاطري وغيرك نسيته
اعشق وصوفك وربي اغليك
سور الهيام عليت وبنيته
وصرت انا بروحي ساكنن فيك
يا ساكن فؤادي ومسكنك بيته
هذي حياتي شكلها بياديك
تعذيب خلايق الله شي هويته
زيد في تعذيبك الله يخليك
ولا تلوم احدن بحسنك سبيته
مثلي ما ينلام لو يلاقيك
كيف تلومه قلبن جفيته
وقلبي وانت بقربي يحاتيك
شفت بعيونك كلامن قريته
ودك تقوله وحروفه تعصيك
وتنزل الدمعات خدك مليته
افدى انا دموعك وبكلي افديك
قلت لي ابعد وجوفي كويته
من يقوى بعادك او يجافيك
لو تعلن جفاك وحبك اخفيته
ومهما قسيت ماني ناسيك
ياخي بوح بغرامك للي سليته
وابتسم بالثغر اللي محليك
يا اغلى من الماس ودك شريته
تقدر اللي يهواك هذه شواريك
وارحم لعاشق بسهمك رميته
يرخص حياته وبعمره يشريك
اجمع قصيدي ولشخصك هديته
واعذب ابياتي اختارها واهديك.
إسم الشاعرإسم الكاتبالبلدإسم القسمالمشاهدات
عسافعسافمصر☆ دواوين الأعضاء .. عامِّي497
لاتوجد تعليقات