تاريخ الاضافة
الأحد، 20 مايو 2007 08:16:18 م بواسطة عساف
0 497
يا موزع الرنات
البارحة يا اللي البارحة جيت
وطليت مع البرقع طلع عجيبه
يا مزين الدار ومنور البيت
وزيادة في دلالك ضحكة رهيبه
يوم طيفك اقبل وانت هليت
هلا والله بالغالية هلا بالحبيبه
ما كنت ادري والله ما هقيت
ان القليب حساس النظره تصيبه
شفت العيون السود بسم الله سميت
يا فرحة اللي تكون من نصيبه
ورمشك القتال من سحره عانيت
ولونك يجنن شمس بمغيبه
القمر غاب وبمحياك طليت
جمالك خرافي وهذي المصيبه
وصوتك اللي بعمري فديت
يا اللي همساتك لجروحي طبيبه
رقه وعذوبه في مشاعرك لقيت
والشوق في الحشى زايد لهيبه
صفاتك ماهي بالكون لو حتى لفيت
الله ما اروعك يا الراقيه الاديبه
يا شبيه الريم لرضاكم تعنيت
وعمري فداك لعندك اجيبه
وانت يا ظالم على قلبي جنيت
وعشت في بعادك لحظة صعيبه
يا موزع الرنات لو كنت حبيت
مو مثلك اللي حبيبه يسيبه
إسم الشاعرإسم الكاتبالبلدإسم القسمالمشاهدات
عسافعسافمصر☆ دواوين الأعضاء .. عامِّي497
لاتوجد تعليقات