عناوين ونصوص القصائد   أسماء الشعراء 
شعراء العامية في العصر الحديث > مصر > عبد الناصر حجازي > الصرخة

مصر

مشاهدة
1378

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الصرخة

من قبل ريح الاستكانة ..
ما تقلع الوتد العفى
طلق الحياة
طردنى من سجنى الصغيرّ
لابتدايات اعتقالى
نزلت خايف م المكان
وبدهشة حاوطونى الجيران
قالم معانا يا غريب أو ضدّنا؟
واللى انت عايزه عندنا …
أو فى التراث؟
فتحت عين الاحتراس
لقيتها مش أرضى،
ولا وطنى،
ولا أهلى
لقيت إله الخوف بيندهلى
عيونه قرصين شمس
ودراعه … لسان أفعى
ومتحاوط بميت سيّاف
وخفت لاحسن اخاف
وقفلت بوّابة ودانى
ونزعت عن فرسى العنيد …
كمامة الطاعة
وصرخت .. قاللى ياغريب …
شرط الإقامة سكوت
صرخت تانى ..
قال باقيلك صرختين و تموت
صرخت تانى بصّ لى ..
وباندهاش …
قاللى بلاش تركب دماغك يا غريب
لسه باقيلك صرخة واحدة عندنا
حاول تعيش على نهجنا
دا الخوف أساس الحكمة وسكوتك خلاص
دارت في راسي الذكريات
يوم ما انولدت و يوم ما بويا فرحبى
ويوم ما علّمنى على …
هرد الإزاز احبى
عزقت تفكيرى بفاس الاختيار،
وطردت من عيني الصور،
غمّضت عينى،
وفتحت قلبي للحياه
وصرخت صرخة …
كتبت لى عمر جديد
عبد الناصر حجازي

من قصائد ديوان بنعيش بنص روح الصادر عن الهيئة العامة لقصور الثقافة بمصر
بواسطة: محمد أسامة
التعديل بواسطة: محمد أسامة
الإضافة: السبت 2007/06/02 05:47:20 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com