تاريخ الاضافة
الأربعاء، 20 يونيو 2007 09:09:51 ص بواسطة عساف
0 567
غزوة رمش
كل يوم غلاك بخاطري يزيد
وفي وسط قلبي تاخذ مساحه
يا اسمر اللون حسنك فريد
جذاب وراهي في الملاحه
سود الهدب جابت لنا العيد
وغزانا الرمش باقوى سلاحه
اخذ اسرانا في سجونه عبيد
واحتل دار الغلى واستباحه
يا ذابحتنا عسى عمرك مديد
وعساه القلب ما يطلق سراحه
بس لا تبخلي بالزيارة والمواعيد
اللي فيها نظرة عيونك متاحه
وعذبي مسجونك بعذب التناهيد
تراه يستاهل الذبح بصراحه
اذبحي عمره بنافرات النواهيد
رمان بساتينك وصغار تفاحه
والمبسم اللي في نجاح المساعيد
الغضي اللي على كتفه وشاحه
يجعلني فديت ظبى النفود الغيد
من ارض الكويت لين حدود الباحه
وعساك يا قلبي كل عامن سعيد
في يوم ذكرى الغزو واجتياحه
خاتمة كلامي يا نحيل الجيد
يسعد مساك ويسعد لي صباحه
إسم الشاعرإسم الكاتبالبلدإسم القسمالمشاهدات
عسافعسافمصر☆ دواوين الأعضاء .. عامِّي567
لاتوجد تعليقات