تاريخ الاضافةتاريخ التعديل
الثلاثاء، 3 يوليه 2007 08:07:13 م بواسطة بندر البجيديالأحد، 22 مايو 2011 09:51:42 ص بواسطة بندر البجيدي
0 1169
شوق
ياشوق حبك شي ومقابلـك شـي
وأغلى من الشيِّين عندي عيونك
اليا نظرتي دنيتي تنقلـب ضـي
من عقب ماهي مظلمه دوم دونك
بعدك شقاوة وإقترابك لـي الفـي
ودي بعطفك والمصيبـة جنونـك
لاتتركين النكـادة والغثـى بـي
وأنـا أحبـك خايـفٍ يبعدونـك
حبي تجاهك مثل ماتعشقـي مـي
اللي قبل عرفي هي اللي تعونـك
يامن غرامك طاوي الحال بي طي
تلعبّي الذكرى بأجواء كونـك
كتبت لك من روعة الدلعنـة فـي
أحلى كلام الحب تسمعْه أذونـك
وانا لك الله خطوتـي زي ماهـي
قلبـي لقلبـك حالـفٍ مااخونـك
اشوف موتي في عيونك وانا حي
دخيل ربك ارحمي مـن يصونـك
والحاسدين الكثّر أغلبهـم العـي
الناقصين اللي احسدوني يبونـك
حتى الكلام اللي يجي بسيرتك سي
اعلـم بأنـه قصدهـم يظلمونـك
ملاك بعيوني واذا زادوا شـوي
يكبر غلاك اللي دمرني شجونـك
لا لا تقطعي عن زهر حبنا المـي
أخاف يذبل والسبايـب ظنونـك
وختامها قد قيل آخر دواء الكـي
وأنا دوايا يوم تهطل مزونـك
إسم الشاعرإسم الكاتبالبلدإسم القسمالمشاهدات
بندر البجيديبندر البجيديالسعودية☆ دواوين الأعضاء .. عامِّي1169
لاتوجد تعليقات