تاريخ الاضافة
الثلاثاء، 3 يوليه 2007 09:22:02 م بواسطة بندر البجيدي
0 950
ليله مباركه
على قطار أهل المحبة قلت أبزور الحبيب
ودي اجيله واسئله وانا لي مدّه تاركه
هل الغلا اللي نذكره باقي على الوقت الصعيب
من شان أثبت جيّتي وأعاهده وأباركه
وإن كان بعدي عنّهم نسّاه من كان الطبيب
حسبي على دولتهْ أول من بعد جماركه
غروٍ سبا قلبي سنه وأصبحت منّه مستصيب
أدركت مافي خاطري ومثلي بعد هو داركه
والعزة فيني تمنعن تقول مالك به نصيب
والشوق يشكي لهفتي لأجل الحنين يعاركه
ياما حشمت محبته ورافعه عن كل عيب
وياما دفنته باالهدايا كلها أفضل ماركه
وياما رقى في دنيتي واشوفه بعيني لبيب
كنّه ترأس له عرب والخدم قدمه باركه
علـّي أحقق مهجتي واعالج القلب الصويب
ابيه يبقى جانبي حتى باالعمر اشاركه
جيته وأثرْها ليلته ويدّه بيدّين الخطيب
ومن حر ماشفته انا ماتت شعوري الحاركه
أقبلت يمه وانتثر دمعه على خدّه صبيب
قلته واقفيت بحزن (عساه ليله مباركه)
إسم الشاعرإسم الكاتبالبلدإسم القسمالمشاهدات
بندر البجيديبندر البجيديالسعودية☆ دواوين الأعضاء .. عامِّي950
لاتوجد تعليقات