تاريخ الاضافةتاريخ التعديل
الأربعاء، 11 يوليه 2007 03:55:55 ص بواسطة L!Lyالأحد، 10 يوليه 2016 10:47:46 م بواسطة حمد الحجري
0 1801
ذنب عظيم
هم مايوجع سوى قلب مهموم ..
دم صب من الغيوم..
كان وجه الوسم سحابتين ورسم..
وتفاحة الذنب العظيم..
ذنب عظيم..
ارسميها ..اقسميها بين انامل جدي العود السقيم..
ذنب عاقبني ..
وعين يكحلها الحسد كانت تراقبني ..
ايه شاعر وكل ماأملك كلام كذب..
عذب مثل ريقك ..
بس فيني جرح ينزف كل صدق الارض..
يوم مرتني عيونك كنت اصلي الفرض..
يابنت عيا ينكسر فيك الشموخ..
انزعي الشال الحزين..
واخرجي والجيد فارع..
اجمعي بعض الغرور من الشوارع..
اوراق طارت لك حمام..
اسم..
بعض ارقام...
والملتقى شــــــارع..
مالك بهم الشاعر اللي ماكتب بعيونك النجلا يشاهق ..
الله ياكبرك بعين المراهق ..
اللي يجيك الا انقفل بابك..
جايبلك احبابك..
رغبةٍ هــشا نشاش ..تيطيربك مثل الفراش..
ويقضي النقاش..وهناك منهو قوي الجاش..
الا أنا ...
فنان وفنانه ..محاره ودانه..
مانكون ان ماتكون ..ومن يغني للعيون
الا أنا ..
طفلةٍ بين الدمى ..
في عيدها تطفي الشموع..
وطفله تموت بجوع.
مجاعه.
خبر بكت منه الاذاعه..
لا لا تصدقهم .ا
شاعه..
امرٍ خطير..
القتيل اللي محد ياخذله الثار .
الضمير امر حقير ..
صحافه
دامه به شخصٍ نخافه
كل مايكتب سخافه..
انقد اللي هامته ماتعدى قامته..
واكتب بكل الغموض
اللي فعيون حبيبتي وتكون مامثلك يكون..
الكاتب المجنون..
طفلٍ شقي يبلل الطين بثيابي ..
طفله وأمٍ ارمله..
اسئله وعلامة استفهام.
من يقتل اسراب الحمـام ..؟
الجوع والاهاجس الاوهام ..
جريئةٍ افكاري..
جريمةٍ افكاري ..
قارئ غبي..
يقلب جروحي ..
يبعثر جروحي ..
لايلعب بروحي ..
نحتاج للقارئ نبي..
مجلس عتيق
هذا غريب وذا رفيق..
شباب والسيره بنات ..
ذياب ياويل المهات ..
مسكينه بنت الشفات ..
مسكينه بنت العيون ..
كلهم جذاب..
كلهم لعاب..كلهم كذاب
حتى أنـــا
إسم الشاعرالبلدإسم القسمالمشاهدات
طلال الرشيدالسعودية☆ شعراء العامية في العصر الحديث1801