 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| يا قطر السنين اللي ماشي فى سكات |
| وشايل فى سدرك شوية حاجات |
| ملامح أبويا اللى بهته عليا |
| وأمى اللى راميه دموعها فى عينيا |
| ونبش السنين اللى يشبه لخطى |
| وستي اللي من فوق بخورها تخطى |
| تشكشك وتحرق عيون الحسود |
| تشوفه تكبر ... تخمس بايدها |
| ولما الليالى تضلم تقيدها |
| وبعد السنين امى تانى تعدها |
| تقلدها حتى فى عقده قورتها |
| فى رح الرحى |
| وعمل الرقوده |
| فى كل المواسم |
| تقولك بعوده |
| يا قطر السنين اللى ماشى فى سكات |
| وشايل فى سدرك شويه حاجات |
| ده منديل باويا وطاقيه لا بويا |
| وقله فى صنيه بطربوش نحاس |
| وشفشق ازاز |
| بنملاه مواردى |
| وإيه تانى عندى؟ |
| ده عندى كتير |
| أيه قرانيه فى مفرش حرير |
| وعلبه قطيفة لمصحف شريف |
| وشيشه قديمه كات يوم لكيف |
| عصايه للايامه وعكاز كفيف |
| كليم نوله يدوى |
| فيه صوره لبدوى |
| وراكب حصان |
| على الحيطة هودج |
| وكعبه وسفينة |
| ومبرور حجه يا جدى لنبينا |
| يا جدى ما شوفتك اللي ماشى فى سكات |
| وشايل فى صدرك شوية حاجات |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
