عناوين ونصوص القصائد   أسماء الشعراء 
الشعراء الأعضاء .. عامِّي > مصر > سعيد شكرى > مش كتير يا مسلمين!!!

مصر

مشاهدة
1419

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

مش كتير يا مسلمين!!!

تقدر تقولى
لما صوت المادنة يعلا بالأذان
هل هتسمع وأنت نايم
لأ وحاطت فوق ودانك
كام مخدة من زمان؟
نقول هتصحى
ما أنت مؤمن
وإحنا عارفينك كمان
بس جاوب:
قولى راح ينفع وضوءك
وأنت توبك مش نضيف؟
طب و المكان
لسه طاهر ولامدنس كمان
م اليهود والامريكان؟
طيب جاوبنى
قبلتك هتكون واشنطن
ولا مكة والحجاز
ولا بير بترول وغاز؟
عمرى ماتكلم فى نية
دى القلوب ليها اللى عالم
بيك وبيا
بس يا صاحبى القضية
إننا فى عصر الهوان
دينا هان
ووطنا هان
حتى رسول الإنسانية
طالوه كمان
وإحنا بايعين القضية
من زمان
همنا نملى الكروش ولا مين يحوش
واللى يصحى الصبح بدرى
يلحق الكرسى الكبير
سلطان أمير
والله ما بتفرق كتير
مادام يصيرقائد جيوش
بس فين هى الجيوش
دول هاموش
وإحنا ناس ما بنختشوش
والضماير فى الفاشوش
يارب حوش
بيروت بتنعى القدس من قلب الرياض
بغداد تقول الدور عليكى يا دمشق
والدوحة تنده ع المنامة والعباد
من تونس الخضرا لمراكش
هات يا عشق
عمان عُمان صنعاء كمان
وطرابلس المخنوقة خنق
تقول نواكشط فاتحة بابها لليهود
مقدشيو تصرخ م الحبش والأمريكان
دارفور كمان يامسلمين يا هل الكويت
والأم شايل طفلها بيصرخ جعان
والبورصة فيكى يا دبى بمليارات
والقاهرة
أم العيون الساهرة ترعى الولاد
مش لاقية حد نومه مش تقيل
ويقوم يصلى الفجر
ويصير الأمير
بالذمة ده يا مسلمين
ع المسلمين ماهوش كتير؟
سعيد شكرى
بواسطة: سعيد شكرى
التعديل بواسطة: سعيد شكرى
الإضافة: الأربعاء 2007/07/18 01:00:22 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com