تاريخ الاضافة
الأربعاء، 18 يوليه 2007 02:57:17 م بواسطة سعيد شكرى
0 1111
الأوله آه
يا حبر القلم ياسايل على الصفحات
لملم دموعك واكتبلى تلات غنوات
الاوله اه
والتانيه اه
والتالته اهات
الاوله حبك
والتانيه اشواق
والتالتة يافراق
ياريتك هادم اللذات
وابات عاشق حب ومات
الاوله اه
حبك يا ست الحسن
كان المرسى والمينا
وكان حضن الدفا لينا
وكان احلى أغانينا وأمانينا
وكان شمس النهار والضى فـعنينا
وكان الفرح
كل الفرح فى قلوبنا
ننام الليل يصحيناويروينا
من كاس الهنا يملى ويسقينا
ولا نحسب لأيامنا
ولا نحسب خطاوينا
وعشنا قد ماعشنا
بطعم الخوف ماحسينا
ولا وعينا
والتانيه أشواق
وقلبك لما قال يا فراق
رمانى وقال
راح تنسانى أو تشتاق
مالك فى زمانى كيان
كأن الكلمة نار ف القلب وشتعلت
لا قادر انى اطفيها
ولا قادر اعيش بيها
ولا قادر على النسيان
وانسى ازاى
وانا روحى يا روحى فيكى
وشايف دنيتى بعنيكى
وذكرى كل شئ بينا
محوطانى فكل مكان
أنام واصحى على ذكرى بتجمعنا
وبُكره الجاى بلا معنى
وانا انسان
عشت العمر ده ليكى
روحى الله يجازيكى
والتالته اه يا فراق
اه وألف اه يافراق
ياريتك هادم اللذات
وابات عاشق حب ومات
وتصبح قصتى غنوة من الغنوات
ف ليل الشوق يغنوها
ويفتكرونى بالرحمات
إسم الشاعرإسم الكاتبالبلدإسم القسمالمشاهدات
سعيد شكرىسعيد شكرىمصر☆ دواوين الأعضاء .. عامِّي1111
لاتوجد تعليقات