تاريخ الاضافة
الأربعاء، 18 يوليه 2007 03:11:03 م بواسطة سعيد شكرى
0 1295
فستان فرح
حلم أول ما بتدا
إنتهى ف لحظة سكوت
لما قولت إنى بحبك
قولتها وبأعلى صوت
قولتها وانا قلبى طاير
زى نورس ع الشطوط
قلبه أبيض حلمه أبيض
ف إنتظار الليل يفوت
لجل مايلف الموانى
يلضم اللولى ف ياقوت
لجل مايغزل ف توبك
م القمر جاب الخيوط
جاب ف إيدو الشمس ضى
ضى داير عالبيوت
كحل الفستان بنورها
والشجر صفصاف وتوت
يومها قابلك قال بحبك
قال كتير وبأعلى صوت
أدى فستان الفرح بس
يا خسارة إنجرح
لما شاف الخوف تابوت
أصبح الفستان كفن
وإندفن
بين خيوط العنكبوت
حلم كان لازم يموت
إسم الشاعرإسم الكاتبالبلدإسم القسمالمشاهدات
سعيد شكرىسعيد شكرىمصر☆ دواوين الأعضاء .. عامِّي1295
لاتوجد تعليقات