إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
لسه الملاك اللى شوفتك فى صورته |
مصدق خديعته |
وعايش ف قلبى دقيقة بدقيقة |
برغم المرار اللى طافح فى جوفى |
وخانق حروفى |
ومانع لسانى يقول الحقيقة |
برغم اللى ضاع فكدب وخداع |
برغم الضياع |
بحاول أصدق بإنك بريئة |
جايز لأنى رفضت المهانة |
ف صورة خيانة |
وجايز لانى بصون الأمانه |
وجايز لأنى كرهت الحقيقة |
حقيقتى وحقيقتك |
ضعفى وخيانتك |
وكدبك وغشك |
منذ البداية لأخر دقيقة |
ورغم إستحالة رجوعنا لبعض |
ورغم إنهيار اللى كان بينا وعد |
ولانى صادق فى كل وعد |
عايز أكدب روحى بطريقة |
تخلينى أصدق بإنك بريئة |
برغم الحقيقة |