تاريخ الاضافة
الجمعة، 27 يوليه 2007 12:20:46 ص بواسطة بندر البجيدي
0 999
ياقلب
ياقلب خلك مصطدم باالغرابيل
توك على زين الحياة وسعدها
وياعين هلي دمعك بتالي الليل
ترى دموع العشق ماحدٍ نقدها
عشقي وجرحي واكتئاب ولاويل
هموم أضفت فوق حالي نكدها
وزودن على هم النكادة بهاذيل
وادهى وامر منها وامر وادهى
البال ضايق ياعساها تساهيل
والحال عيت تلتئم مع جسدها
حسبي علي من غيرتني عن الجيل
الروح ذابت لين ربي قردها
ارقى على راس الجبل واقعد آخيل
عساه تاتي وتلتزم في وعدها
لإنه كما غيمه مطرها هماليل
تضفي على الدار الجريحه سعدها
وإن ماجتن واقبل علي ظلمة الليل
اقول يمكن حظها اللي جحدها
ماقدر اقول انه علي تقسي بحيل
لإنه هوى روحي وهيّ رغدها
ابعد علي من الثريا مع سهيل
واقرب لي من قلب المره لاولدها
اشفق عليها شفقة البدو للسيل
تبغى الربيع بس ماهوب يدها
ديارها ماتت من القحط والويل
وراحت مطاياها وزادت ضهدها
وانا علي اكتب واجاذب مواويل
واسهر لـ طيف الغاليه هي وحدها
رغم اني من صلب الرجال الحلاحيل
ارداهم اللي للطويله صعدها
إلا اني شخصٍ مانفع فيه تحليل
حمّى المحبة ضمّها ماطردها
لاتنتقد ياراعي القال والقيل
عيش الحكايه قبل ماتنتقدها
ولـ طاري هروج العشق ماني امطيل
خذ الحقيقة ياولد واعتمدها
دامي بذرت الحب وهذي محاصيل
الله يعين الروح ويّا جسدها
إسم الشاعرإسم الكاتبالبلدإسم القسمالمشاهدات
بندر البجيديبندر البجيديالسعودية☆ دواوين الأعضاء .. عامِّي999
لاتوجد تعليقات