تاريخ الاضافة
الجمعة، 27 يوليه 2007 01:00:57 ص بواسطة L!Ly
0 1174
المجاريح
ياعينهـا ماترحميـن المجـاريـح
اللِّي مشاعرهم غرامـك جرحهـا
ويا شعرها لا تنثني لي مع الريـح
صورتك طول فراقنـا مامسحهـا
ويا جيدها المنتوق لا تغري مريـح
عينه قبل شوفتك صـدّ ونصحهـا
وياقدّها خفِّـفْ تثنيـك لا اصيـح
صيحة نفوس لوِّعت فـي فرحهـا
رمشك يلمِّحْ لـي بالآمـال تلميـح
والياس نفسي قبل اشوفك ذبحهـا
صحيح لو جابوا جميـع المماليـح
انوارهم نـورك بلمحـه نضحهـا
حبّك برق لي مثل مزن المراويـح
اللِّي مزونه عقب برقـه طرحهـا
أرجي عسى لي من هواكم مصاليح
يقوله اللِّـي لـك حياتـه منحهـا
سبحت ببحور ٍ غـدت بالسوابيـح
مجنـون ليلـى قبلنـا ماسبحـهـا