تاريخ الاضافة
الجمعة، 27 يوليه 2007 02:25:59 ص بواسطة L!Ly
0 1149
داعي الذكرى
في سيرتك قلبي وطيفـك يجيبـه
لي داعيَ الذكرى على مرّ ذكراك
يمكن يكون فراقك أكبـر مصيبـه
وظروفه أكبر من فراقي وفرقـاك
ويمكن تكون أفكار ليلـي غريبـه
ويمكن تصبّحْنِيْ بشايـر محيّـاك
وإلاّ تكون جروح قلبـي عطيبـه
وتسمع نداه إلى تضايـق ونـاداك
أخاف تاخذ جوهـره وتغـدي بـه
والياس لا يامرك عنِّـيْ وينهـاك
وعذول حبي لك عسى الله حسيبه
خلاّك تجفاني وأنا مثلـك أجفـاك
وأوّل جروحي في ضميري صعيبه
والثانيه أضنت بها الروح يمنـاك
ومن آخر أيام الغلا شفـت ريبـه
وإلاّ فـلا صدّقـت هـذا ولا ذاك