تاريخ الاضافة
الجمعة، 27 يوليه 2007 03:01:17 ص بواسطة L!Ly
0 1406
منك وعليك أشكي
ليت الزمن ياقف لنـا لـو ثوانـي
وإلاّ معه ياخـذ قلـوبٍ جريحـات
وليت الهوى ما ياخذ اللِّي عطانـي
ولا يبـدِّل أُنسنـا فيـه بـاآهـات
ولا يجـدِّدْ جرحـنـا بالأمـانـي
جـرح الأمانـي مايعالَـجْ بمأسـاة
بين الزمـان وبيـن مـرّ الحنانـي
شافت عيوني في سما الحب لوعات
يا صاحبي حيّرتنـي فـي زمانـي
منك وعليك أشكي وداعي الوفا مات
وراك ما ترحـم خفـوق ٍ يعانـي
صدِّك وتعذيبك يرى فيـه راحـات
يا جاعـل ٍ تالـي هوانـا هوانـي
تبـات مسـرورٍ وغاليـك مابـات
يمديك تعـرف صادقـات المعانـي
تعبير صبٍّ يشتكي منك مـا فـات
سلبـت زيـن الفاتنـات الغوانـي
وسلبت عقلي وأسبلت فيك الأبيـات