تاريخ الاضافة
الجمعة، 27 يوليه 2007 03:46:11 ص بواسطة L!Ly
0 1730
آهات
آهـات مـن طـول العنـا طاولتنـي
ونفسي من الفرقا وحالي صخيفة
جارت عليّ من الفراق وقصتنـي
غــزَتْ ولـكـن مـانـوَتْ بالنكيـفـه
بهمومها اللَّي شفـت منهـا كوتنـي
هـذا الـذي خلّـي حيـاتـي مخيـفـة
باكـر يروعنـي وأنــا فـيـه فتْـنِـيْ
أقـول ليـت الغيـب يبخـل بحيـفـه
خيـل السعـادة بالـهـوى خالفتـنـي
وخالفت معهـا عيـد قلبـي وريفـه
هـبَّـتْ هـبـوبٍ بالنـيـا عطّشـتْـنِـي
وكم غالـيٍ قبلـي ظمـا مـن وليفـه
ليت اللّيالـي عـن غرامـي نهتنـي
ولا بـدا زرع الأمـل منـك هيـفـه
وإلاّ أنّهـا فـي غايتـي خيَّـر تـنِـيْ
وأختار أنا مربـاع قلبـي وصيفـه
خــلٍ جيـوشـه بالمحـبـة غزتـنـي
وانـــا أسـيــرٍ للـعـيـون العفـيـفـه
أغلى هجوسٍ طول الأيـام جتنـي
هاك الهجوس اللَّي تجيني بطيفـه
الماضيـات بغيبهـا مــا أنصفتـنـي
والمقبـلات أرجـي عدَلْهـا خليفـه
أتبـع ظنـونٍ بالهـوى مــا شفتـنـي
أحسـب حمولـي بالمحبّـةْ خفيـفـه
واليـوم ظالـمـة المحـبـة طوتـنـي
طي الورق يوم انطوى به خريفه
وأشباح يأسـي بالهمـوم اعترتنـي
وأنـا علـيّ أسبـاب صـدَّكْ كليـفـه
أشيل حتفـي راضٍـيٍ فـوق متنـي
وأروح نفسي مـن حياتـي معيفـه
وأقــول لـلَّــي بالـجـفـا عذبـتـنـي
عسـى الشقـا مـن بيننـا بالنصيفـة
شربت من فيض الشقا وأشبعتني
دنيـاً مـع الأحـزان ضـدَّي حليفـه