تاريخ الاضافة
الجمعة، 27 يوليه 2007 03:59:50 ص بواسطة L!Ly
0 1587
عظيم الشوق
تعطينـي الـود وإلا تاخـذه منـي
يبلغـك قلبـي المقـفـي تحيـاتـه
اليوم يا صاحبي رد الخبـر عنـي
ما يرخص الغالي إلا كثر غلطاتـه
جارت علي الليالي وأخلفت ظنـي
والحب ما عوض "الرجال" ما فاتـه
ادعي شفوفٍ تجيب ارضاك ما جني
شاحت عن الغالي اللي شفت زلاته
حمامة الحب فـوق النايفـه غنـي
في وادي تطرب الأسماع جاراتـه
قصايدي يوم مـات الحـب ينعنـي
في مقبل الوقت يالغالـي سلاماتـه
ياللي برمح الغلا تسطـي وتطعنـي
وأنا معك خافقي محبـوس غاياتـه
تبي الحقيقة عظيم الشوق ما أوهني
اليوم ساوت حسان الحـب سياتـه
أببتعد عنك قدر اليـوم مـا أمكنـي
ما هوب عيبٍ يعاف القلب مشهاتـه
بغيت عنك العـزاء مـرة وردنـي
مشاعـرٍ نصرهـا يلفـح براياتـه
العـام وإلا يجـن اليـوم ينهـنـي
عن حبك اللي جروحي من نهاياتـه
لك ذكريـاتٍ جميلـة يـوم مرنـي
ما وسعت خاطرٍ تسعى لمرضاتـه
واليوم لولا المودة ما ضحك سنـي
وما شن قلبي على فرقاك غاراتـه
ونوازع الطيف ماجنـي وزارنـي
في وحدتي تهدي الخافـق مسراتـه
هذا وأنا خافقي للحـب مـا حنـي
قلبٍ بعد به مكـان يحـب هيهاتـه