إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
لكل من لبسوه عِمة رُغال |
وكل من مشي .. ورا .. رقص الورى طبال |
ما عشنا ولا كنا إذا .. |
نرضى بعزاكم في الآمال |
الوطن .. خلاص فطن .. وشاف ما كان |
الوطن بعد الهوان .. بعد الطيابة والتوكال |
زرعتوا فيه حنظل .. طرح .. شوق عِنفوان |
الوطن فطن ما شاف وخلاص بقى |
بقى في الميدان |
ما يخِيل عليه أفاعي كهنة الطُغاة |
ما يخيل عليه خفافيش دُهاة |
واضح بان .. في الإنا فِكْر |
وعَرْجَة بتحاول بِرِجْل |
خِيبِة عِقول .. كِبِرِت معاها كتييييير أمور |
وللأسف .. فيه ناس وراهُم فاكرة خير |
دا حنجلي .. ودا شيخ ثري |
شيء مَهزلة .. وارض خِصبة ترتوي بالهَرْتَلة |
وأيامنا بيضة فُللي .. أيامنا بيضة فُلَلِي |
واحد عَكَس معنى الآيات |
كَمِم الحرف وخَرسْ .. حتى السُكات |
وبدال ما كان طير في السما .. في السجن بات |
نسر وسقط سقطة غبي في هويس هوان |
صار عِبرَة للي ما يِعتِبر .. بدأ بطل واتحال جبان |
سنة متقلبين على كل جنب والمعيشة ترَللِي |
يا سلام عليه .. لما غيير سِحنِتُه لرعيتُه |
وسن نابُه وعَض بيه ناس آمنتُه |
كم عهد فات ويا السُكات |
رَج الحجر .. لكن ما رجش الحنين |
مع نُص ثورة خَلِفت وِرث ليَمِين |
فاجر في فِكرُه والهدف كرسي بَغيض .. مَقيت لَعين.. |
حِنجل تسلَق .. فوق كِتاف المُبتلي |
إنتاج مُعاد .. وخلال ساعات |
فَط نط عَ الشهيد .. في الحُكم بات |
بوعود وسابق اتفاق |
شَيِّلني شَيِيل لجل برضو ما اشَيِلَك |
وشِوال ملان عواجيز فرح |
بالرعشة يدَّن في المآذِن .. |
آجر على ورد الميادن .. تنجرح |
وبملعنة .. وخلايا نايمة.. |
أجمل زهورِك يا بلدنا .. اندبح |
أخدنا إيه من هرتلتهم إلا تقسيم كل دار؟ |
أخدنا إيه من فكرهم .. إلا زناخة القرار؟ |
خلي العصابة تفتري .. ومع الشيطان .. تفتح حوار |
مش حيخرُج م القساوة إلا شوق |
يكبر ويرجع الهوى ويّا انتصار |
فاسمع بقى .. يا اللي أنت راجل مش كُهين |
سَلَفك هِناك .. رُوح اسألُه .. عن اللي ياما طيرُه |
وما فِرحش بيه ولا آل إليه |
وبُناءاً عليه .. خُد مِنُه عِبرَة واعتِبر |
دا البذرة إن تحبها .. تطرح عِيدان .. تطرح سنابل للأمان |
والبذرة إن تزرعها شين .. تلقاها بِين |
وتلقى فيك لغَم انفجر |
اسمُه الزهق .. اسمُه الضجر |
دَ الفقر لو يغضب يثور .. حُسَام يِجِز المفتري |
اسمع بقى .. يا غزال وفوق المشنقة |
اسمع كمان .. يا اللي أنت جاي تِوصِل طريق |
وتجيب فلان وتقول صديق |
حمساوي يرجع حِتتُه وهناك يقوم بمهمتُه |
ان كان صحيح دا غِيتَك ودِي غِيتُه؟ |
دا كلام جميل .. ممكن نقول شايل جميل |
جُم خرجوك .. بمقاصة خافية ساعدتهم |
طب قوللي إيه اللي مَضيت عليه؟ |
كان عقد بيع دا والا إيه؟ |
ان كان عمل في الخير نضيف |
إيه يمنعك ما تقولش ليه؟ |
من تاني حنقابل رُغال؟ |
يِغِزنا ويغِزهُم .. على خطف شيء من أرضنا .. |
وخطف ما اتبقى لهُم |
يا مُرنا .. يا مُرهم |
يارب خير .. وما يبقى فيه ترحيل عبيد |
ويبيعنا تاني رُغال جديد .. ويبدِل الوعد بوعِيد |
اكشف يارب سترهم |
وانعم يارب علينا خير .. وأبعد يارب عنِنا |
كل قواد .. وابن ابن أرندلي |