تاريخ الاضافة
السبت، 4 أغسطس 2007 06:20:07 ص بواسطة سعد مسهوج العلاطي
0 664
يا استاااااذ ...؟
يا استاذ انا طبقت سبعة سنـوات
راح العمر حلـوه ومـرّه دراسـه
من مدرسة لى مدرسة والمسافـات
سوّت على عز ّ الطموح انتكاسـه
اخذت من وقتي على غير مشهات
يوم الحيا والموت صارو سواسـه
نوبات اقول: اني على خير نوبات
ونوبات اشوف الهم زايد حماسـه
قررت اسافر والحيـاة امتحانـات
بحوش من دم الوحوش الشراسـه
و يوم ٍ احسّبها تزيين الحسابـات
وش عاد لا زدنا على الطين كاسه
ويوم ٍ لـك الله نستهـل البدايـات
يطري على صحو الخفوق العماسه
يا ليتها .. جبر ودوال و نهايـات
والا كتاب ٍ عـن حيـاة الفراسـه
والا علوم ٍ من علـوم الطويـلات
او انها .. كبّـر وعنـاد ونحاسـه
المشكلة يا استاذ ماهـي علاقـات
ولاهي على جرم الغبـاء ومقاسـه
المشكلـة باللـي تركهـا محطـات
وازهر مع اول يوم نـزل غراسـه
اللي لا قلت انساه هيهات هيهـات
ولا جيت ابنسى ذكرتنـي اوناسـه
يعني في بالي كل حزة ..وحـزات
في بالي ايضا .. يستعيد انغماسـه
يومه تركني بين اهات .. واهـات
احسّ به والقلـب فاقـد حواسـه
يا شينها بالذات لا قلـت بالـذات
بيتن " لها " والبيت مفقود ساسـه
يا استاذ ما جيتك وانا ابغى علامات
عندي سؤال ومتعب الوقت راسـه
اما .. يجي ينهي معاي المعانـات
والا بلاااااش من اللقى والدراسـه
إسم الشاعرإسم الكاتبالبلدإسم القسمالمشاهدات
سعد مسهوج العلاطيسعد مسهوج العلاطيالسعودية☆ دواوين الأعضاء .. عامِّي664
لاتوجد تعليقات