عناوين ونصوص القصائد   أسماء الشعراء 
شعراء العامية في العصر الحديث > مصر > محمد رمضان هداية > لكن بالوضع المعكوس

مصر

مشاهدة
772

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

لكن بالوضع المعكوس

لكن بالوضع المعكوس
أعلن عصيانك ...
وأتعلم فن التمثيل ..
أعكس كل ثوابت عقلك
يمكن تقدر ..
بعد ما تركن كل مبادئك ع الكوميدينو
تنزع قلبك من جواك
تمسح منه اللون الأبيض
أمسح أي دليل للرحمة
حط مكانهم
كل خطوط الطيف قدامك
زود ف الألوان الغامقة
رجع قلبك نفس مكانه
مد إيدك للمخ وشيله
أغسل كل مراكز حسك بالبنزين
رجع مخك
لكن بالوضع المعكوس
أدخل جوه الحلم البشري
بشكل كابوس
وطي قصاد الموجة العالية
أسجد للكلب الجربان
وأما الموجة العالية تعدي
أركب على قلع القرصان
قول أنا عالم تاني لوحدي
وغيري مافيش
مهما يكون حجمك على قدك
أمشي قصاد العالم كله
ونافش ريش
يومها وبس أكيد راح تقدر
بين خفافيش الأرض تعيش
لكن حازر ...
حط الأتي ف الحسبان
لما الهوجة الضلمة تعدي
وأما وميض الفجر يبان
تقدر تاني ترجّع نفسك
تقدر تاني ...
تكون إنسان؟؟
محمد رمضان هداية

ديوان رغم انهزام الروح
بواسطة: مصطفى ابراهيم الحلاج
التعديل بواسطة: مصطفى ابراهيم الحلاج
الإضافة: الجمعة 2007/08/17 02:53:54 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com