تاريخ الاضافة
الجمعة، 17 أغسطس 2007 12:31:20 ص بواسطة مصطفى ابراهيم الحلاج
0 522
أنـتصار
أنـتصار
إنزعي توب الحداد
أرفعي راية التحدي
قلمك المليان أهات
لسه قادر أنه يدي
طول م ليلك
لسه وللاد بالنهار
والشوارع لحن قابل للغنا
حرري الكلمة الحبيسة
بين سجون الألسنة
***
أنتِ مش قديسة
جاية بالسلام
ولا كانش زمنك يوم
زمان الأنبيا
إكشفي الزيف اللي عشش
فوق خدود الأدعيا
وإنطقي .....
هاتي اللي عندك
بوحي بالمكنون ف صدرك
فجري الأحساس سواقي
يروي رمل الصحرا
تتحول خضار
والقلوب الخالية تشرب
نقطتين تصبح عمار
لما حرف قصيدة يبدأ بالجمال
والنهاية ...
تبقى أمضى ....
بس من أيد إنتصار
ديوان رغم انهزام الروح
إسم الشاعرالبلدإسم القسمالمشاهدات
محمد رمضان هدايةمصر☆ شعراء العامية في العصر الحديث522