تاريخ الاضافة
الجمعة، 17 أغسطس 2007 12:36:24 ص بواسطة مصطفى ابراهيم الحلاج
0 574
ف عيونك الدفه
ف عيونك الدفه
إلى أسرتي الصغيرة
وف قلب قلبي سكن
قمرين وشمساية
حبة دفا ف الشتا
وف صيفي ضلاية
أيدي اليمين يا علي
أيدي الشمال يا أحمد
عكازي يا أم الولاد
يا نجمة يا مرسى
أنا مركبي لسة
محتاجة منك ضي
يهديني ف السكة
وان طوحتني الريح
والنو زاد بصحيح
بلقاكي ع الضفه
ف عيونك الدفه
فارده أيدكي براح
أدخل وأدفى
م أنتِ بلاد وحدود
وأنتِ الطريق ممدود
والشط والمرسى
وأنا مركبي لسه
محتاجة منك ضي
يهديني ف السكة
ديوان رغم انهزام الروح
إسم الشاعرالبلدإسم القسمالمشاهدات
محمد رمضان هدايةمصر☆ شعراء العامية في العصر الحديث574