عناوين ونصوص القصائد   أسماء الشعراء 
الشعراء الأعضاء .. عامِّي > مصر > سيدة الشولي > حبيبتى..غريمتي

مصر

مشاهدة
1021

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

حبيبتى..غريمتي

حبيبتى غريمتي
وصدقى دا خيبة
فى قربك جريح
فى بُعدك شتات
بجد .. بجد
ظروفك عجيبة!
يا أبويا سامحني
لا أنا قدرت أوفي
بوعدى لحلمك
ولا قدرت أحافظ
عليها فى قربي
ياأبويا سامحني
شايفها بتنقل عطاها
لغريمي
غريمي وعدوىِ
وللي بيسبغ عليها الأماني
الأماني .. بتدِىِ
فاتتني حبيبتي
فاتتني ولايف عليها عِداتي
فاتتني لحيرتي
فاتتني مكاني
وأنا جوه توهتي
فاتتني لخيبتي
حبيبتي بأقولك
فى حضنك خُديني
تقولى عينيا
وتنسي تراعيني
أجيلك تصُدي
طريقي بجدار
تشيلي جدارهم
وأنا ما تشيليني!
أجيلك وأمرمغ
كياني ف ترابك
وأعاتب فى أبويا
لضعفُه أما سابك
أتاري القضية
مهيش بس فيهم ..
عداكي اللى سرقوا
شبابي وشبابك
دأصل البلاوي ..
فى أخويا أبن أمي!
وضهري من أبويا!
حبيبتي غريمتي
وصدقي .. دا خيبة
فى قربك جريح
فى بُعدك شتات
بجد .. بجد
ظروفك عجيبه
سيدة الشولي

فلسطين بين الأباء والأحفاد
بواسطة: سيدة الشولي
التعديل بواسطة: سيدة الشولي
الإضافة: الأحد 2007/08/19 10:10:33 مساءً
التعديل: الجمعة 2017/05/12 05:19:32 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com