عناوين ونصوص القصائد   أسماء الشعراء 
شعراء العامية في العصر الحديث > مصر > محمد عثمان جبريل > لا يهزنى برودها...!

مصر

مشاهدة
840

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

لا يهزنى برودها...!

كل الكلام انتهى ...
مفضلش غير: رافض
ما فضلش غير لأَ
حبيبتى من جبنها
مش راضيه نتواعد
حتى السما الزرقه
بنجومها بتباعد
وجدرى القديم
عافر
لسه شديد صامد
لا يهزنى برودها
ما يغير العارض
مالو الصحون رقه
ما فضلش غير لأَ
****
كل الكلام انتهي
وعطشان يا حريه
القمح طرحه بشقى
الزرع مش نيه
هاحضن
وحضنى المدي
وافتح بقى عنيا
الذل دا ليكم
والعز.. لاق .. ليا
نشفت بحار الصبر
ما بقتش انا سقا
ما فضلش غير لأَ
***
كل الكلام انتهى
إلا كلام روحي
براقى للمنتهى
بيقرا فى لوحي
وعشقها سرها
وعشقى مفضوحي
لما أكون ساجد
ومسجدى بوحى
ألمى خلاص انمحي
ضَمدلى فى جروحي..
وهاخاف ليه ....؟
حقا ....!
ما فضلش غير لأَ
كل الكلام انتهى ...
حبر القلم باهت ..
والصفحه من حزنها
اتكرمشت شاخت
وبرغم كل العنا
فى قلبى لسه غنا
طب ليه أعيش ساكت؟
لازم أقول .... لأَ
ما فضلش غير: لأَ
محمد عثمان جبريل
محمد عثمان جبريل
بواسطة: محمدعثمان جبريل
التعديل بواسطة: محمدعثمان جبريل
الإضافة: الخميس 2007/08/23 05:49:32 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com